ПРОЕКТ ДЕТАЛИ

Проектот опфаќа реконструкција, изградба и уредување на јавни површини и паркови, партерно уредување околу локални и културни објекти и спортски терени на неколку локации во општините од Вардарски плански регион. Овој проект има мултикратно влијание меѓу кои едното од влијанијата е стимулација на соработката и социјалните активности генерално во целиот Вардарски плански регион како и подобрување на условите во транзитен туризам. Проектот ќе влијае директно и индиректно на остварување на неколку стратешки цели на Вардарски плански регион како и на национално ниво. 1.Социјални позитивни влијанија: - преку изградба на спортски терени на отворено, уредени паркови и генeрално зелена инфраструктура се стимулира дружењето меѓу граѓаните односно практикување на заеднички активности, размена на искуства и социјални интеракции. Со попуштање на мерките за дистанцирање заради контрола на пандемијата се очекува драстично зголемување на социјалната интеракција како компензација на претходните 2 години со силни мерки за изолација. Токму затоа местата на отворено ќе бидат идеални за организација на настани посебно во периодот кога климатските услови ќе го дозволуваат тоа.