ПРОЕКТ ДЕТАЛИ

Селото Чифлик е село во општина Пехчево кое брои 216 жители и е едно од поголемите села во општината. Селото има недоволно развиена локална патна инфраструктура, а низ селото поминува регионалниот пат Р1302 Делчево преку Пехчево до Берово. Локалните патишта и улици се дел од патната мрежа во Општина Пехчево преку кои населените места во општината се поврзуваат со останатата патна мрежа како во самата општина така и со соседните општини и добиваат пристап до земјоделските земјиште во селото, а поголем дел од населението во село Чифлик се занимава со земјоделство и сточарство. Изградбата на предвидената локална улица број 1 со крак 1 во село Чифлик ќе овозможи осовременување на инфраструктурата во селото, побрз и побезбеден пристап на селаните до нивните домови и до земјоделските површини, брз и безбеден транспорт на материјалните ресурси и на луѓето и подобруање на квалитетот на живот и поттикнување на економските активности во селото. Изградбата на предвидената улица број 1 со крак 1 во село Чифлик, ќе придонесе кон подобрување на квалитетот на уличната мрежа во селото и заштита на веќе постоечките улици од интензивно користење на земјоделска механизација и други возила. Улицата број 1 во село Чифлик е со должина од 231 метар, додека кракот 1 е со должина од 138 метри, односно целата улица е во должина од 369 метри и изградбата на истата која во моментот е само обичен земјен пат кој во период кога врне дожд целата е во кал, ќе има огромно значење како за жителите кои живеат таму така и за оние кои се движат по неа за да стигнат до своите земјоделски површини