ПРОЕКТ ДЕТАЛИ

ЕКОЛОШКА РЕСТАВРАЦИЈА преку директна акција проектот е младинска иницијатива за пошумување опожарени подрачја, која има за цел повторно да ги засади површините зафатени во шумските пожари 2019-2021 година во Североисточен Регион во Северна Македонија преку волонтерски активности и соработка со локални и државни институции. Проектот е креиран да се спроведува преку два пакети едниот е волонтерски граѓански акции, а вториот има едукативен карактер преку креативен активизам, кој најпрвин предвидува создавање на моливи од јаглен од изгорените дрвја и создавање уметнички дела на рециклирана хартија. Уметничките дела ќе бидат показатели за бројот на дрвја што ќе бидат засадени во опожарените површини преку кои ќе се обнови шумскиот фонд, а со тоа и придонесе кон чување на животната средина. Преку овој проектна иновативен начин младите од овој регион ќе се вклучат во доброволни активности за пошумување, чии акции ќе го мотивираат општото население да ги разбере економските, социјалните и еколошките аспекти на важноста од зачувување на дрвјата и редовно обновување на шумските површини. Еколошка реставрација преку директна акција позитивно ќе влијае на граѓанскиот и општо младинскиот активизам и ангажман, ќе развие чувство на емпатија спрема својата држава и животна средина и воедно поттикнува на здрав живот и здрави навики кај младите преку општествено одговорни активности Локалните младински дисеминатори и мобилизатори ќе реализираат едукативни работилници во основните училишта за деца и млади во овој плански регион, преку кои ќе се мотивираат да учествуваат во локални акции за садење дрвја на однапред избрани локации во соработка со експерти од Јавното претпријатие Национални шуми. Проектот Еколошка реставрација преку директна акција ќе се реализира преку употреба на извидничкиот метод на работа преку работилници, локални активности и еко камп. Голем акцент при реализацијата ќе биде ставен на симболичната рамка и креирањето на едукативна приказна за целите на проектот, како и кампања за подигање на јавната свест. Активностите кои ќе придонесат кон остварување на резултатите и целта на проектот ќе се спроведуваат преку четири активности и тоа: Активност 1. Развивање и пилотирање на симболична рамка за едукација за животната средина преку креативен ангажман – според потребите на децата и младите од Североисточен Регион. Активност 2. Еколошка реставрација преку директна акција караван за промоција на проектот и тековни активности за креативен ангажман, и отворени волонтерски настани. Активност 3. Еколошка реставрација преку директна акција, камп – младите за заштита на животната средина Активност 4. Настан за волонтерски ангажман за пошумување на опожарени површини од последните 2 години