ПРОЕКТ ДЕТАЛИ

Општина Велес се наоѓа во средишниот дел на Македонија, на бреговите на реката Вардар. По број на жители во Македонија е шести град по број на население, со вкупен број од 48.463 жители како Општина. Таканаречената Нова Населба територијално се наоѓа во новиот дел на Велес. Во целост е населена со македонско население. Тоа е една од најурбанизираните населби во Општина Велес. Составена е од голем број на станбени згради и висококатници, но и семејни куќи. Во нејзина близина е индустриската зона „УЗУС“ во која претежно се сместени претпријатија од лесна индустрија. Исто така, тука се наоѓа најголемото училиште „Васил Главинов“, како и ССОУ „Коле Неделковски“ (УЗУС), кое дури и непосредно граничи со паркот којшто треба да се изгради. Исто така, во непосредна близина на паркот поминува и улицата „Индустриска“ која поминува покрај индустрискта зона и се поврзува со главната улица „Благој Ѓорев“ (со што се избегнува поминувањето на тешките мотрни возила низ центарот на населбата) како главна регионална патна инфраструктра. Самиот проект предвидува реконструкција и партерно уредување на парк на ул. „Андон Шурков“, партер помеѓу колективни станбени згради, на КП. 16887 (3938 м2), во Општина Велес. Целта на проектот е оплеменување на просторот на зададената локација, преку создавање на модерен, урбано уреден простор со високи естетски карактеристики, кој ќе придонесе за зголемување на квалитетот на живеење и помасовна посета на просторот, со цел социјализација и дружба од страна на жителите и најмладите генерации. До парцелата се пристапува колски преку улицата „Андон Шурков“, како и пешачки преку повеќе пристапни површини лоцирани помеѓу колективните згради. Локацијата се наоѓа на парцела 16887 согласно Извод од план. Актуелната локација претставува заеднички простор во централниот дел - атриум на станбени единици за колективно домување, и е уредување кое се состои од пристапни патеки кои водат од централната патека до влезовите, како и многу ниска и висока вегетација која се наоѓа уште од порано и е од големо значење. Партерното уредување на комплексот згради и сега се карактеризира со голем процент на зеленило. Секој појас или остров на зеленило е од исклучителна важност за еден град, бидејќи помага во ублажување на ефектите од загадувањето и намалувањето на феноменот познат како топлински остров кој се појавува како резултат на човековата активност. Покрај зелените и поплочените површини, се предвидува реконструкција и на површина од 173м2 наменета за детското игралиште, односно простор за поставување на детски реквизити