ПРОЕКТ ДЕТАЛИ

Проектирана е улица Орце Николов во должина од 444.75м, и истата започнува во непосредина близина после кружниот тек на самата улица и се до спој со улица Вељко Влаховиќ метри истата се наоѓа во непосредна близина на Центарот на градот, како и минува покрај ООУ Гоце Делчев Свети Николе. Улицата е во доста лоша состојба, пред се поради повеќегодишните прекопи за реконструкција на водоводната и канализационата мрежа, има постоечки оштетувања од типот на мрежеста пукнатина, надолжни и попречни пукнатини како и ударни дупки. Одржувањето на предметната улица одзема големи средства за оддржување на истата со постојано крпење коешто не дава ефект, бидејки на истите места пак се појавуваат вдлабнатини, истата е во доста лоша положба, сообраќајот е доста отежнет како за возилата така и за движењето на пешаците пред се учениците во ООУ Гоце Делчев, а воедно при поголеми поројни дождови претставуваат и поголема закана за околните куќи, бидејки насплонот на улицата е оштетен и доаѓа до вливање на атмосферските води во самите дворови на жителите од Оваа улица. Самата улица е од клучно значење за жителите на потег од оваа улица како и на остантите граѓани бидејки претставуваат поврзување на еден цел дел на градот кон ООУ Гоце Делчев, Црковниот Храм Свети Николај како и до центарот на градот каде што се и најголем дел од потребните административни институции, како и на правните лица/фирми/дуќани коишто имаат свои бизниси на истите. Исто така отежнато е давањето на јавни комунални услуги како и побрзото движење на возилата за против пожарна заштита и за прва помош. Со реализацијата на проектот ќе се добие реконструирана улица и ќе се реши голем проблем од комуналната и патната инфраструктура на овој дел од градот во непосредна близина на центарот на градот.