ПРОЕКТ ДЕТАЛИ

Општина Демир Капија се наоѓа во јужниот дел на Северна Македонија, односно во југоисточниот дел на Тиквешката котлина на исклучително важна географско-стратешка положба. Низ Демир Капија поминува најзначајната сообраќајна комуникација која ја поврзува Западна Европа со Грција, а преку неа со Турција и другите земји од блискиот исток, автопатот Е-75 и железничката линија Париз-Белград-Атина. Преку овие две сообраќајници се одвиваат главно сите стопански и други токови помеѓу наведените земји, а посебно истите представуваат и најзначајни туристички артерии. Низ општината е изграден заобиколен пат која значително го олеснува движењето како за товарните така и за останатите возила а се избегнува движењето низ центарот на градот. Вкупната површина на општината изнесува 311.1км2 . Според пописот на население од 2021 година во Општина Демир Капија има вкупно 3.777 жители, од кои 3.076 се македонци, 376 турци, 14 албанци, 37 роми, 130 срби, 2 власи, 1 бошњак и 141 останати. Присуството на добри климатски услови и постоењето на природни ресурси го прави развојот на земјоделството во овој крај да е доминантна страна во стопанството и предсњтавува основна причина за заштита на животната средина. Непосредниот релјеф околу Демир Капија има посебно место во развојот на туризамот. Релјефните особености на овој крај од Тиквешијата се извонредни елементи за туристичка атрактивност, како што се Демиркаписката клисура, ретките птици, кањонот на челевечка река која се влива во реката Вардар во самата клисура. Потенцијалот на Демир Капија да се развие како позната и стабилна туристичка дестинација е огромен. Низ општината поминуваат три значајни реки: Вардар со должина низ општината од 24 км, Дошница со должина од 18 км и река Бошава со должина низ општината од 15 км. Крајбрежјето на река Бошава представува еден прекрасен еко систем. Изобилува со богата флора и фауна, каде преовладува автохтониот дрвен вид Јавор-Платан. Градот и целата општина заживуваат на економски план и се развиваат според стандардите на новото време. Иако се развива постепено, сепак сеуште постои недостиг на соодветна патна инфраструктура и систем за одведување на атмосверските води на некои делови од градот, што влијае на иселувањето на жителите. Отежнат е пристапот до местата каде сеуште има неасфалтитани улици а поради тоа е нарушена безабедноста и квалитетот на животот на жителите на Општина Демир Капија. Несоодветната сообраќајна инфраструктура доведува до намалена комуникација и отежнат транспорт со што дополнително се отежнува комуникацијата до општинскиот центар и околните градови и села. Улицата е земјена со недефинирани граници на трасата. Врз основа на стратешкиот план за локален економски развој на Општината Демир Капија предвидена е реконструкција на овaa улицa со поплочување со павер елементи. Дел од улицата претставува пешачка патека со ширина од 3м, а дел е предвидена како едносмерна улица за колски сообраќај со ширина од 3.5м и по 50см банкина од двете страни на улицата. Поврзаноста на општината со државната патна инфраструктура е од витално значење за целото население. Со реализација на овој проект значително ќе се подобри квалитетот на живот и ќе се подигне животниот стандард за сите жители на општина Демир Капија. Со реконструкција на улица ,,Партизанка 4’’ ќе се зголеми патната инфраструктура на улица ,,Партизанска’’ во целост, која представува крстосница на целокупниот сообраќај на десниот брег на градот што во голема мера ќе придонесе за подобрувањето на комуникацијата помеѓу двата дела на градот.