ПРОЕКТ ДЕТАЛИ

Општина Македонски Брод во областа на комуналните активности има формирано две јавни комунални претпријатија за управување со отпад, одржување на јавна хигиена и заштита на локалните патишта и улици ЈКП „Комунална хигиена“ и ЈП „Водовод и канализација“ за управување со водоснабдувањето и собирање и одведување на фекалните и атмосферски води . Во моментов, јавното комунално претпријатие „Комунална Хигиена“ врши услуги за собирање отпад со едно многу старо возило трактор ТАФЕ-42 и едно амортизирано специјално возило за собирање комунален отпад, камион Мерцедес 226 од 1995, но што се однесува до опремата и возилата за одржување јавна хигиена и заштита на локалните патишта и улици, ситуацијата е повеќе од скромна. „Комунална Хигиена“, цврстиот отпад го собира од 8 населени места од вкупно 51 населени места во општина Македонски Брод, т.е. 1135 домаќинства и 150 деловни субјекти, за што се смета дека постојните капацитети неможе да вршат навремена и квалитетна услуга од овој вид.. За таа цел, општината се фокусираше на изнаоѓање можности за решавање на овој проблем и од овие причини Општина Македонски Брод го доставува ова барање за средства за поддршка на капацитетите за работа во јавното комунално претпријатие. Нашето конкретно барање се однесува на добивање на возило за собирање на комунален отпад со капацитет од 5м3 . Ова возило би било од огромно значење и намена за собирањето на комуналниот отпад од урбаната средина Македонски Брод и сите населени места на оваа територија, што би придонело кон позитивен импакт за развојот на заштитата на животната средина и природата..